सुरक्षित सल्यचिकित्सा चेकलिस्ट

---डा. प्रज्ञान ख्वाउजूँ---

स्वास्थ्य सेवा सम्बन्धित त्रुटीका कारण हुने मृत्यु संसारमा मृत्युको आठौं प्रमुख कारण हो । संयुक्त अधिराज्यमा वर्सेनी १२०००० मृत्यु यस्का कारण हुने गर्छन् । यी त्रुटिहरु या त कार्यन्वयनमा या त योजना बनाउने त्रुटिका कारण हुन्छन् जस्का कारण बिरामीहरुले विभिन्न प्रकारका प्रतिकुल असरहरु भोग्नु पर्छ । ६६% यस्ता त्रुटिहरु सल्य चिकित्सा सम्बन्धित हुन्छन् । यी त्रुटिहरु मध्ये ५०% रोक्न मिल्ने खालका हुन्छन् । तर सही योजना र कार्यन्वयनको अभावले अधिकाँश बिरामीहरु यी समस्याहरु झेल्न बाध्य हुनेगर्छन् ।

यी स्वास्थ्य सम्बन्धि त्रुटिहरु कम गर्न विश्व स्वास्थ्य संगठनले सुरक्षित सल्यचिकित्सा चेकलिस्ट जारी गरेको हो । यसले अप्रेशन पुर्व ध्यान दिनुपर्ने महत्वपुर्ण कुराहरुमा प्राथमिकता दिन्छ जसले बिरामीको सुरक्षामा जोड़ दिन्छ । अप्रेशन पुर्व र अप्रेशनको दौरान यी तत्वहरु सल्यचिकित्सा टीम, एनेस्थेसिया टीम तथा नर्सिंग टीम सबैले पुनरावलोकन गर्छन् । यसले अप्रेशनमा दल भावना प्रोत्साहित गर्छ र बिरामीलाई हुने प्रतिकुल असरहरु कम गर्न मदद गर्छ ।

सल्यचिकित्सा चेकलिस्टका तीन अंशहरु छन् : बेहोशी पुर्व, चिरफार पुर्व र  अप्रेशन पश्चात । बेहोशी पुर्व जांच गर्नुपर्ने कुराहरु हुन्:

·         रोगीको सहि पहिचान तथा अप्रेशनको लागि अनुमति

·         अप्रेशनको ठाउँको सहि पहिचान

·         एलर्जी सम्बन्धित पीडित रहेको या नरहेको

·         वेनस थ्रोम्बो एम्बोलिस्म रोगनिरोधक उपाय

·         औजार तथा इमप्लांट सम्बन्धि जानकारी

·         बेहोशी सुरक्षा चेकलिस्ट

·         श्वास प्रश्वासमा हुनसक्ने खतरा

·         रक्त अभावले हुनसक्ने खतरा

चिरफार पुर्व जांच गर्नुपर्ने कुराहरु हुन्:

·         सल्य चिकित्सा टीमको सहि पहिचान

·         रोगी, रोग र निदानको सहि पहिचान

·         एन्टिबायोटिकको सहि प्रयोग  

·         इमेजिंग ( x- ray, सी टि स्केन इत्यादि ) पुनरावलोकन

·         आउन सक्ने कठिनाई तथा प्रतिकुल परिणामको पुर्व जानकारी

अप्रेशनको अन्तमा जांच गर्नुपर्ने कुराहरु हुन्:

·         नर्स द्वारा अप्रेशन, स्पेसिमेन् , औजार तथा स्पोंजको जानकारी

·         अप्रेशनको सर्जन द्वारा अप्रेशनको पुनरावलोकन

·         बेहोशी टीम द्वारा अप्रेशनको पुनरावलोकन

·         सरीरको तापमानको जांच

·         भावी योजना

12:12:00 AM